Трамп мерыцца вывесці войскі з Афганістана да выбараў 2020 года

Цяпер у Афганістане дыслакаваныя 14 тысяч амерыканскіх вайскоўцаў.

Дональд Трамп мерыцца вывесці вайскоўцаў ЗША з Афганістана яшчэ да прэзідэнцкіх выбараў, прызначаных на лістапад 2020 года. Пра гэта заявіў на пасяджэнні некамерцыйнай арганізацыі "Эканамічны клуб" у Вашынгтоне ў панядзелак, 29 ліпеня, дзяржсакратар ЗША Майкл Пампэя. Паводле ягоных слоў, Трамп выразна паказаў на неабходнасць "спыніць бясконцую вайну" і пачаць вывад войскаў, піша DW.

Вайскоўцы ЗША размешчаныя ў Афганістане з кастрычніка 2001 года. Цяпер там дыслакаваныя блізу 14 тысяч амерыканскіх жаўгераў і афіцэраў.

Перамовы ЗША і талібаў

З ліпеня 2018 года Злучаныя Штаты вядуць дырэктыўныя перамовы з высокапастаўленымі прадстаўнікамі радыкальнага ісламісцкага руху "Талібан" аб устанаўленні міру ў Афганістане. Асноўныя тэмы абмеркаванняў - вывад замежных вайскоўцаў і прадастаўленне гарантый таго, што Афганістан не ператворыцца ў бяспечную гавань для тэрарыстычных груповак. Стораны дасягнулі "сапраўднага прагрэсу" ў перамовах, падкрэсліў Пампэя.