Узровень беспрацоўя сярод моладзі апусціўся да мінімуму ў гісторыі аб'яднанай ФРГ

У Нямеччыне яшчэ больш палепшылася сітуацыя на рынку працы.

Колькасць беспрацоўных жыхароў Нямеччыны ва ўзросце ад 15 да 24 гадоў знізілася да мінімуму ў гісторыі аб'яднанай краіны, піша «Нямецкая хваля».

Адпаведны паказчык у 2018 годзе склаў 6,2 адсотка, паведаміла Федэральная статыстычная служба ў Вісбадэне ў панядзелак, 12 жніўня, у Міжнародны дзень моладзі.

Пры гэтым ва ўсходніх землях гэты паказчык быў крыху вышэйшы - 8,6 адсотка, у заходніх - 5,8 адсотка. У 2005 годзе паказчык беспрацоўя сярод моладзі да 24 гадоў дасягнуў вышэйшага пункта 15,2 адсотка.

Доля моладзі ў агульнай колькасці насельніцтва ФРГ зніжаецца.

Аднак колькасць моладзі 15-24 гадоў у Нямеччыне агулам зніжаецца. У 1991 годзе ў краіне пражывалі 10,3 мільёна людзей гэтай узроставай групы (13 адсоткаў ад агульнай колькасці насельніцтва), у 2018 годзе - 8,6 мільёна (10 адсоткаў насельніцтва).

Пры гэтым колькасць студэнтаў у ФРГ на гэты момант дасягнула новага рэкорду. У зімовым семестры 2017/2018 навучальнага года ў нямецкіх ВНУ вучыліся блізу 2,5 мільёна чалавек. У зімовым семестры 2007/2008 навучальнага года гэты паказчык складаў 1,7 мільёна.