Траціна брытанцаў падтрымала Brexit без угоды

Пры гэтым амаль палова брытанцаў заклікалі ўрад дамагчыся адтэрміноўкі ўгоды.

«Жорсткі» сцэнар Brexit – без угоды з ЕЗ - падтрымліваюць 34% брытанцаў. Гэта вынікае з апытання кампаніі BMG Research, якое праводзілася на замову The Independent, паведамляе РБК.

Пры гэтым амаль палова, 49% рэспандэнтаў, заклікалі ўрад прэм'ер-міністра Борыса Джонсана дамагчыся адтэрміноўкі ўгоды, скасаваць яе ці правесці новы рэферэндум. Акрамя таго, паводле звестак апытання, толькі 19% брытанцаў вераць у здольнасць прэм'ера ўкласці пагадненне з ЕЗ.

Пасля заступлення на пасаду кіраўніка ўрада Джонсан, прыхільнік «жорсткага» Brexit, неаднаразова казаў, што Вялікая Брытанія выйдзе з ЕЗ да 31 кастрычніка (крайні тэрмін прадстаўленай ЕЗ адтэрміноўкі) па-за залежнасцю ад абставін. Ён тлумачыў, што выхад з Еўразвязу - «фундаментальная пастанова» жыхароў Вялікая Брытаніі, вызначаная падчас народнага галасавання.