Праклятае лета Уладзіміра Пуціна

Пажары, пратэсты і радыяцыя.

«(...) Сёлятнее лета - адно з самых насычаных дрэннымі навінамі для Уладзіміра Пуціна за ўвесь перыяд ягонай дваццацігадовай улады. На вуліцах Масквы шырыцца пратэстны рух, шмат у чым накіраваны супраць яго. Лета пачалося са смяротнай паводкі на поўдні Сібіры, у выніку якога загінулі 25 чалавек. На адрас уладаў пасыпаліся абвінавачванні ў тым, што яны своечасова не праінфармавалі жыхароў і не арганізоўвалі дапамогу. На поўначы і ўсходзе Сібіры серыя гіганцкіх пажараў вынішчыла 15 млн гектараў лесу (на ацэнку Грынпіс). Дым распаўсюдзіўся ад Сібіры да Урала, паразіўшы лёгкія мільёнаў расейцаў», - піша журналіст LeFigaro, (пераклад - inopressa.ru) Эмануэль Грыншпан.

«(...) На іншым канцы краіны, пад Архангельскам, 8 жнiўня загадкавы выбух на марскім выпрабавальным палігоне ВМФ прывёў да гібелі сямі чалавек (у тым ліку пяці фізікаў-ядзершчыкаў), было таксама шмат параненых. Інцыдэнт выклікаў радыеактыўнае забруджванне ў гэтым раёне, што сведчыць аб няўдалым выпрабаванні новай ядзернай зброі.

Паводле звестак газеты The Moscow Times, грамадзянскі медыцынскі персанал, які лячыў параненых, атрымаў заражэнне радыеактыўнымі ізатопамі праз адсутнасць папярэджання з боку войска. Гэта прыкмета таго, што ўлады па-ранейшаму ставяць абаронныя сакрэты вышэй за абарону насельніцтва, як гэта было падчас чарнобыльскай катастрофы», - паказвае аўтар артыкула.

«Уплыў гэтых інцыдэнтаў на рэйтынг папулярнасці Уладзіміра Пуціна яшчэ не вымяраўся, але апошнія апытанні паказваюць яго паступовае пагаршэнне за апошнія паўтара года. Толькі 24% расейцаў мяркуюць, што Уладзімір Пуцін «у далейшым зможа справіцца з праблемамі краіны», паведамляе «Левада-цэнтр». Гэта антырэкорд для таго, хто застаецца - у адсутнасць канкурэнтнай сістэмы - самым папулярным палітыкам Расеі. 38% расейцаў не хочуць, каб Уладзімір Пуцін заставаўся прэзідэнтам пасля 2024 года, калі скончыцца ягоны цяперашні тэрмін», - гаворыцца ў артыкуле.

«У такім кантэксце зносу ўлады з'явілася найгоршая навіна лета для Уладзіміра Пуціна. Значная частка насельніцтва Масквы, чый лад жыцця блізкі да еўрапейскага, больш не згаджаецца на навязванне палітычнай сістэмы, пазбаўленай канкурэнцыі. Калі ў сярэдзіне ліпеня выбарчая камісія не дапусціла дзясяткі апазіцыйных кандыдатаў на выбары ў Масгардуму, натоўпы масквічоў выйшлі на вуліцы. Урад адрэагаваў гвалтам з боку паліцыі, пасадкай у турму лідараў апазіцыі і атмасферай беспрэцэдэнтнага запалохвання, аднак гэта толькі ўзмацніла мабілізацыю, якая не мае сабе роўных для летняга перыяду», - піша Le Figaro.

«Уладзімір Пуцін захоўваў маўчанне з гэтай нагоды, дазволіўшы сілавым структурам і мэру Масквы з тым ці іншым поспехам развязаць гэтую складаную палітычную задачу. У дні пратэстаў Уладзімір Пуцін заўсёды выяўляўся вельмі далёка ад Масквы, з'яўляючыся або ў Балтыйскім моры, або ў Крыме ці Сібіры. У надзеі, што да ягонага вяртання пратэстны рух ужо будзе задушаны», - каментуе Грыншпан.

На думку палітолага Ліліі Шаўцовай «вобраз Пуціна, які пагружаецца ў батыскафе або катаецца на матацыкле ў Крыме, азначае не страту кантролю над сіламі бяспекі, а жаданне дыстанцыявацца ад «дробязяў», якія ўлада ўважае за нязначныя».

«Органы ўлады не маюць намеру ісці на саступкі, прагназуе палітолаг, а, наадварот, востраць сваю зброю. «Улады паспрабуюць выкарыстаць «пратэстнае лета», каб сфармаваць новы механізм абароны супраць «тэорыі змовы», вяртаючы адпраўніку абвінавачванні ва ўмяшанні (у выбары ў ЗША, у еўрапейскія справы)», - паведамляе Le Figaro.

«Расейскае МЗС ужо абвінаваціла Берлін і Вашынгтон ва ўмяшанні, у той час як Савет Дзярждумы наважыў правесці пазачарговае пасяджэнне «для разгляду фактаў умяшання ва ўнутраныя справы Расеі». Пацвярджэнне такой унутранай дынамікі пагоршыць шанцы на дыпламатычнае збліжэнне з Парыжам», - адзначае журналіст.