22 верасня 2019, Нядзеля, 11:48
Мы ў адной лодцы
Рубрыкі

КНДР абвясціла аб тэставанні звышгабарытнай рэактыўнай сістэмы залпавага агню

2
КНДР абвясціла аб тэставанні звышгабарытнай рэактыўнай сістэмы залпавага агню

За пускам рэактыўных набояў назіраў паўночнакарэйскі дыктатар.

Паўночная Карэя правяла ў аўторак, 11 верасня, выпрабаванні звышгабарытнай рэактыўнай сістэмы залпавага агню. Як паведамляе паўночнакарэйскае інфармацыйнае агенцтва ЦТАК, за пускам рэактыўных набояў назіраў асабіста кіраўнік дзяржавы Кім Чэн Ын, а само выпрабаванне «прайшло ў поўнай адпаведнасці з яго мэтамі», паведамляе dw.com.

Аб запуску «двух неапазнаных набояў» з тэрыторыі Паўночнай Карэі ў аўторак паведамілі таксама прадстаўнікі ўзброеных сіл Паўднёвай Карэі. Паводле іх інфармацыі, набоі былі выпушчаныя ўранку у бок Японскага мора з раёна блізу горада Кэчхон, які знаходзіцца ў 80 кіламетрах ад Пхеньяна, і праляцелі амаль 330 кіламетраў.

Рэакцыя Паўднёвай Карэі на выпрабаванні зброі ў КНДР

«Усе гэтыя дзеянні Паўночнай Карэі ўзмацняюць напружанасць, а не дапамагаюць намаганням для яе паслаблення на Карэйскім паўвостраве, і мы зноў заклікаем да іх неадкладнага спынення», - гаворыцца ў заяве Аб'яднанага камітэта начальнікаў штабоў Паўднёвай Карэі.

У той жа час агенцтва ЦТАК паказвае, што два тыдні таму ўжо праходзілі аналагічныя тэставанні гэтай сістэмы. Чарговыя выпрабаванні новай зброі ў КНДР 11 верасня былі праведзеныя праз некалькі гадзін пасля таго, як МЗС Паўночнай Карэі заявіла, што Пхеньян гатовы аднавіць перамовы з ЗША аб сваёй ядзернай праграме і чакае адпаведных прапаноў з Вашынгтона.