Рэнан Брэсан: гатовы ляцець у зборную Беларусі праз паўсвету
2- 12.09.2019, 18:33
- 8,530
Бразілец з беларускім пашпартам чакае выкліку ў нацыянальную каманду.
Паўабаронца нацыянальнай каманды Беларусі Рэнан Брэсан заявіў, што гатовы прылятаць у нацыянальную каманду нават з Бразіліі, паведамляе «Трибуна».
- Працягваеце сачыць за нацыянальнай камандай?
– Вядома! Глядзеў матчы супраць Эстоніі і Уэльса. Заўсёды сачу за камандай. Заходжу на сайты, чытаю навіны.
– Не магу не спытаць пра ўражанні ад першых двух матчаў пры новым трэнеры.
– Нядрэнна. Заслужана перамаглі Эстонію. Потым цяжкі матч з Уэльсам. Вядома, адолець валійцаў не ўдалося, але ж нядрэнна гулялі. Таму пакуль усё добра.
- Калі паступіць выклік у зборную, калі будзеце выступаць за «Куябу», гатовыя праляцець паўсвету, каб згуляць за яе?
– Так! Чаму не? Бразільскія футбалісты, якія гуляюць у Еўропе, лётаюць. Таму не думаю, што ўзнікне праблема. Галоўнае, гуляць і рабіць гэта добра. Калі трэнер на мяне разлічвае, то калі ласка – пытанняў няма, – сказаў Брэсан.