Кіраўнік МЗС Украіны: Асаблівага статусу для Данбаса ў Канстытуцыі не будзе

Вадзім Прыстайка растлумачыў, што Менскія дамовы не прадугледжваюць асаблівы статус для рэгіёну.

Пра гэта міністр замежных спраў Вадзім Прыстайка заявіў на прэс-канферэнцыі падчас штогадовага форуму "Ялцінскай еўрапейскай стратэгіі" (YES), паведамляе карэспандэнт "Европейской правды".

"Тэзіс, які ўвесь час прасоўваюць у Расеі зводзіцца да таго, што Украіна павінна ўнесці змены ў Канстытуцыю, зрабіўшы спецыяльны статус. Мы звяртаем увагу расейцаў і гатовыя ім яшчэ раз прачытаць гэтую норму - дарэчы, яна запісаная на расейскай мове, што Украіна ўзяла абавязанні ў стварэнні статусу для гэтых рэгіёнаў на аснове дэцэнтралізацыі. Гэта той працэс дэцэнтралізацыі, які цяпер ужо ўкараняецца ва Украіне",- растлумачыў ён.

"Мы хочам данесці гэты тэзіс боку, за лініяй судакранання, даць зразумець, што шанец іх развіцця, - дэцэнтралізацыя. Гэты працэс дасць ім рэальныя магчымасці і шанцы на развіццё. Але мы не ўносім у Канстытуцыю ніякіх асаблівых статусаў", - падкрэсліў міністр.

"Асаблівага статусу для Данбаса ў Канстытуцыі не будзе", - дадаў ён на ўдакладняючае пытанне.