Беларуска стала найлепшай акторкай на фестывалі ў Гішпаніі
2- 15.09.2019, 12:22
- 14,125
Настасся Пляц атрымала прыз Best Actress на фестывалі кароткаметражнага кіно ў Гішпаніі.
Пра гэта паведаміў на сваёй старонцы ў Фэйсбуку беларускі пісьменнік Віктар Марціновіч.
– Адбываецца нешта неверагоднае: Наста Пляц, дзяўчынка, якая з трох гадоў жыла ў Магілёўскай SOS-вёсцы, толькі што атрымала прыз Best Actress на гішпанскім фестывалі FICBUEU за ролю Ясі ў фільме «Возера Радасці», – напісаў ён.
FICBUEU – фестываль кароткаметражнага кіно, у якім могуць удзельнічаць усе віды мастацкіх кароткаметражных фільмаў незалежна ад жанру, за выключэннем дакументальных фільмаў. Першы прыз – 2 тысячы еўра, другі – 1000. Найлепшая акторка атрымлівае дыплом.
«Возера радасці» – раман Віктара Марціновіча, кароткаметражку паводле яго зняў рэжысёр Аляксей Палуян – беларус, які жыве і працуе ў Нямеччыне. Музыку напісаў лідар гурта Vuraj Сяргей Доўгушаў.