Актывісты «Еўрапейскай Беларусі»: Святкуем Дзень горада разам!
- 15.09.2019, 15:47
- 6,692
Пікет грамадзянскай кампаніі для збору подпісаў насупраць Палаца спорту прадоўжыцца да 18:00.
«Святкуем Дзень горада разам! Пікет «Еўрапейскай Беларусі» для збору подпісаў праводзіцца насупраць Палаца спорту. Будзем тут да 18,00. Падыходзьце!» - паведамляе прэс-служба грамадзянскай кампаніі «Еўрапейская Беларусь».
Пікеты «Еўрапейскай Беларусі» для збору подпісаў прайшлі або праходзяць сёння ў наступных месцах сталіцы:
Вуліца Няміга, 12Б, каля рэстарацыі Макдональдс: 17:00 – 19:00,
Скрыжаванне вуліц Уральскай і Фролікава: 11:00 – 17:00,
Вуліца Русіянава, 7, універсам «Першамайскі»: 14:00 – 19:00,
Станцыя метро «Інстытут культуры», выхад на вуліцу Магілёўскую: 13:00 – 16:00,
Вуліца Кальварыйская, 24 гіпермаркет «Карона»: 16:30 – 19:30,
Вуліца Карбышава, 13, крама «Златка»: 14:00 – 19:00,
Пляцоўка ля ўваходу на Камароўскі рынак: 12:00 – 17:00.
Праспект Незалежнасці, 15:00 - 16:00
Пікеты «Еўрапейскай Беларусі» вы знойдзеце па сцягах з «Пагоняй» і сімволікай Еўрапейскага Звязу. Подпісы могуць ставіць толькі жыхары акругі, у якой вылучаюцца кандыдаты. Ва ўдзельнікаў пікета заўсёды можна ўдакладніць, дзе і калі можна паставіць подпіс за кандыдата, які вылучаецца ў вашай акрузе. Не забудзьцеся ваш пашпарт.