Крамлёўскія вежы затрашчалі

Пра адвечнае супрацьстаянне ФСБ і ГРУ.

Чарговы шпіёнскі скандал паміж ЗША і РФ як квінтэсенцыя адвечнага супрацьстаяння ФСБ і ГРУ, піша блогер Злы адэсіт для inforesist.org.

Безумоўна, тэмай тыдня стаў чарговы шпіёнскі скандал, які выліўся паміж ЗША і РФ, а менавіта, выкрыццё высокапастаўленага «крата», былога супрацоўніка адміністрацыі прэзідэнта РФ Алега Смалянкова, які доўгі час (год вярбоўкі, як мяркуецца, 2000-ы) з'яўляўся пастаўшчыком інфармацыі для ЦРУ. ЦРУ ж і эвакуявала, згодна з наяўнай у CNN інфармацыяй, свайго агента ў ЗША яшчэ ў 2017 годзе.

Улічваючы маштаб пранікнення ЦРУ ў кола прэзідэнта РФ і статус завербаванай асобы, як-ніяк гаворка ідзе аб дзяржаўным дарадцы 3-га класа, узровень скандалу неймаверны, але, вось цікавы момант, не кідаецца на фоне ўсеагульнай устрывожанасці ў вочы.

Так, ЦРУ завербавала чалавека, які праз свайго непасрэднага начальніка Юрыя Ушакова, які мае доступ да самага галоўнага цела Расеі - Пуціна, мог быць у курсе нават тых пытанняў, якія не па яго рангу. Так, Алег Смалянкоў зліваў гадамі важную інфармацыю за акіян і спакойна рэціраваўся ў эміграцыю.

Таксама, Алег Смалянкоў займаўся па дзіўнаму супадзенню, да агульнай купы злітай інфармацыі і падачай да абедзеннага стала ЦРУ на сподачку з блакітнай аблямоўкай спецаперацый узброеных сілаў. Да прыкладу, рассакрэчванне 12 афіцэраў ГРУ, якія бралі ўдзел ва ўмяшанні ў выбары прэзідэнта ЗША ў 2016, гэта справа рук Смалянкова.

Нагадаю, што ў 2018 годзе (ужо пасля таго, як Смалянкоў збег у ЗША), супрацоўнікі ГРУ, Віктар Нятыкша, Барыс Антонаў, Дзмітрый Бадзін, Іван Ермакоў, Аляксей Лукашоў, Сяргей Маргачоў, Мікалай Казачок, Павел Яршоў, Арцём Малышаў, Аляксандр Асадчук, Аляксей Пацёмкін і Анатоль Кавалёў былі абвінавачаныя ў змове з мэтай узлому кампутараў і крадзяжы дакументаў, логінаў і пароляў прадстаўнікоў выбарчай кампаніі Хілары Клінтан, у тым ліку старшыні яе выбарчага штаба Джона Падэсты.

У сваю чаргу, ФСБ, якое займаецца бяспекай і кантролем такога кшталту кантактаў высокапастаўленых персон, практычна цалкам правароніла шматгадовы досвед узаемадзеяння Смалянкова з ЦРУ. Гэтак жа, як і саму эвакуацыю каштоўнага агента ў ЗША, якая прайшла пры поўнай «недасведчанасці» фэсаў.

Вось і ўзнікае пытанне, як такое магчымае? Агент, які амаль 20 гадоў забяспечвае ЦРУ інфармацыяй, не зацікавіў ФСБ, і ў канцы сваёй агентурнай кар'еры папросту з'язджае ў «краіну вярбоўшчыка» без якіх-небудзь перашкод?

І, мабыць, гэты скандал, глыбіню якога разумеюць і ў Крамлі, і на Лубянцы, і на Грызадубавай, створыць, куды большы эфект у супрацьстаянні Вежаў Крамля, чым усе папярэднія перадумовы.