Трамп назваў новага дарадцу ў нацбяспецы замест Болтана
1- 18.09.2019, 16:53
- 10,045
Раней СМІ паведамлялі, што Белы дом разглядае кандыдатуру Майка Пампэа.
Прэзідэнт ЗША Дональд Трамп прапанаваў прызначыць Роберта К. О'Браена на пасаду дарадцы ў нацыянальнай бяспецы.
Пра гэта Трамп напісаў у Twitter.
«Я з задавальненнем паведамляю, што прапаную новым дарадцам у нацыянальнай бяспецы Роберта К. О'Браена, які цяпер займае пасаду вельмі паспяховага спецыяльнага пасланніка прэзідэнта ў пытаннях закладнікаў у Дзяржаўным дэпартаменце. Я доўга і ўпарта працаваў з Робертам. Ён зробіць выдатную працу!» , - напісаў Трамп.
I am pleased to announce that I will name Robert C. O’Brien, currently serving as the very successful Special Presidential Envoy for Hostage Affairs at the State Department, as our new National Security Advisor. I have worked long & hard with Robert. He will do a great job!
— Donald J. Trump (@realDonaldTrump) September 18, 2019
Як нагадвае «Европейская правда», раней СМІ паведамлялі, што адміністрацыя прэзідэнта ЗША разглядае кандыдатуру дзяржсакратара Майка Пампэа як асноўнага прэтэндэнта на пасаду дарадцы ў нацбяспецы пасля звальнення Джона Болтана.
