На Эльбрусе загінуў 62-гадовы альпініст з Менска

Надзвычайнае здарэнне адбылося падчас узыходжання беларуса на гару.

Удзень 23 верасня на гары Эльбрус ратавальнікі знайшлі цела загінулага турыста з Менска. Пра гэта tut.by распавялі ў мясцовым высакагорным пошукава-выратавальным атрадзе Управы МНС Расеі ў Кабардзіна-Балкарскай Рэспубліцы.

Яшчэ 18 верасня ў службу МНС паступіла заява ад беларуса, што пры ўзыходжанні на Эльбрус згубіўся ягоны бацька.

Выявілася, яны прыехалі ў горы і разам з групай турыстаў пакаралі вяршыню. Але на нейкім этапе іх шляхі разышліся: усе адправіліся класічным маршрутам з поўдня, а мужчына адзін пайшоў на ўзыходжанне з паўночнага боку горы. Гэта быў 62-гадовы альпініст з Менска.

Мяркуецца, што другі маршрут больш складаны, чым пракладзеная для ўсіх дарога з поўдня. Група паспела дайсці да вяршыні і спусціцца, але вось самотны альпініст не вярнуўся.

«Мужчына павінен быў выйсці з сынам на сувязь 17-га верасня, але гэтага так і не адбылося, на жаль», - распавялі ў Эльбрускім высакагорным пошукава-выратавальным атрадзе МНС Расеі.

Некалькі дзён ратавальнікі ішлі ў горы, уздымалі і камерцыйны верталёт для пошуку. Выявілася, што хоць група турыстаў мела рэгістрацыю на ўзыходжанне, але вось зніклы альпініст на свой маршрут - не.

Сёння каля поўдня цела загінулага знайшлі супрацоўнікі Паўночна-Каўказскага пошукава-выратавальнага атрада МНС Расеі на вышыні 4750 метраў ля скал Ленца. Мужчына быў унутры разарванага намёта - мяркуючы з усяго, яго разбурыў ураган, і чалавек папросту замерз.

Цяпер работнікі МНС дапамагаюць даставіць яго цела да падножжа Эльбруса для далейшай транспарціроўкі на радзіму.