Бразілія можа прыцягнуць беларускія кампаніі да здабычы нафты

Пра гэта паведаміў амбасадар Бразіліі ў Беларусі.

Бразілія разглядае магчымасць прыцягнення беларускіх кампаній да праекта асваення новых радовішчаў нафты і здабычы нафты. Пра гэта паведаміў журналістам амбасадар Бразіліі ў Беларусі Паўла Фернанда Дыяс Ферас, паведамляе БелТА.

Са слоў амбасадара, у Бразіліі маюцца дастатковыя запасы нафты, краіна забяспечвае ўласныя патрэбы ў гэтай сыравіне. Цяпер разглядаецца магчымасць здабычы нафты на сушы і ў суседніх з Бразіліяй дзяржавах. Вядуцца даследаванні паводле ацэнкі новых пакладаў нафты і прыроднага газу.

«Беларусь мае досвед і веды ў здабычы нафты на сушы. Да прыезду ў Менск я меў стасункі са спадаром Царкоўскім (амбасадарам Беларусі ў Бразіліі Аляксандрам Царкоўскім. - Заўвага.) І ён згадаў пра такую магчымасць. Так супала, што маім сябрам з'яўляецца дырэктар другой у памеры кампаніі здабычы нафты ў Бразіліі. Я арганізаваў сустрэчу прадстаўнікоў амбасады і гэтай кампаніі», - распавёў амбасадар. Ён адзначыў, што казаць пра канкрэтныя вынікі пакуль рана. «Мы на самым пачатку, час пакажа, як будзе развівацца гэты кірунак», - дадаў ён.