У нядзелю ў Беларусі чакаецца да +27

У верасні захоўваецца летняе надвор'е.

Хмарна прагназуецца ў Беларусі ў нядзелю, 8 верасня. Пераважна без ападкаў, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Кароткачасовыя ападкі сіноптыкі прагназуюць толькі па захадзе краіны, магчыма, з навальніцамі. Уначы і ўдзень у асобных раёнах краіны слабы туман. Вецер сярэдні.

У начны час сутак тэмпература паветра складзе 9–15 градусаў, месцамі пахаладае да 5 градусаў. А ўдзень будзе цёплае надвор'е – ад 21 да 27 градусаў.