Сэрвіс дастаўкі прадуктаў з Камароўкі змог прапрацаваць усяго адзін дзень

Сервер не вытрымаў такой цікавасці.

Новы сэрвіс дастаўкі прадуктаў з Камароўскага рынку часова перастаў працаваць. Пра гэта паведамляецца на сайце сэрвісу. Ён прапрацаваў усяго адзін дзень.

На сайце зарабіў учора сэрвісу па дастаўцы прадуктаў з галоўнага менскага рынка вісіць абвестка: «Сайт на дапрацоўцы. Прыносім свае прабачэнні. Сайт у хуткім часе будзе запушчаны».

Крыху ніжэй прыпісана, што сайт будзе недаступны да 21 студзеня 2020 года, паведамляе tut.by.

Да ўладальніка новага сэрвісу мы не датэлефанаваліся, каб высветліць, у чым прычына. На рынку, з якога дастаўлялі прадукты, распавялі, што ў першы дзень працы ў дастаўкі быў нечакана вялікі наплыў кліентаў. Адначасова зрабіць замову на сайце спрабавала блізу 8 тысяч чалавек. Сервер проста не вытрымаў такой цікавасці.

Збоі ў працы сайта менчукі ўжо ўчора абмяркоўвалі ў сацыяльных сетах. Адны пісалі, што зрабілі замову, але праз некаторы час не знайшлі яе ў спісе на дастаўку. Іншыя проста не змаглі зрабіць замову.

Цяпер сайт пераязджае на іншы сервер.

Арганізатары дастаўкі напісалі, што ўсе заяўкі, пакінутыя 14 студзеня да 00.00 гадзін, будуць выкананы. Час дастаўкі будзе ўзгоднена з кліентамі адміністратарам сэрвісу.