Амбасада ў Кітаі звярнулася да беларусаў, якія жадаюць выехаць з правінцыі Хубэй

У правінцыі абмежаваныя транспартныя злучэнні і многія гарады закрытыя на каранцін.

Пасольства Беларусі ў КНР апублікавала паведамленне аб тым, што гатовае надаць садзейнічанне сваім грамадзянам, якія хочуць з'ехаць з правінцыі Хубэй, паведамляе kp.by.

- Да ўвагі грамадзян Рэспублікі Беларусь, якія знаходзяцца на тэрыторыі правінцыі Хубэй: у выпадку неабходнасці надання садзейнічання з боку Пасольства Рэспублікі Беларусь у Кітайскай Народнай Рэспубліцы ў выездзе з тэрыторыі правінцыі просьба звязвацца на нумар тэлефона +86 155 1061 8510, - такі тэкст размясцілі на сайце амбасады.

Там жа можна знайсці тэлефоны супрацоўнікаў дыпламатычнага прадстаўніцтва і актуальную інфармацыю з нагоды каронавіруснай інфекцыі.

У сувязі з хуткім распаўсюджваннем віруса ўлады Кітая абмяжоўваюць ці зусім закрываюць уезд і выезд з буйных гарадоў.

Паводле апошніх звестак, у Кітаі заразіліся ўжо больш за 2000 чалавек, больш за палову з іх - з правінцыі Хубэй. Пнеўманія ад каронавіруса прывяла да смерці 56 чалавек.