Навукоўцы: разумныя людзі старэюць больш павольна
20- 28.01.2020, 21:20
- 22,396
У чым сакрэт?
Новае даследаванне абвяшчае: разумныя людзі старэюць больш павольна (не, яны не ўкладаюць угоду з д'яблам).
Паводле даследавання, інтэлект — не толькі хаўруснік у пошуку лепшай працы з высокім заробкам або ідэальнага партнёра. Разумныя людзі старэюць больш павольна. Даследаванне, апублікаванае брытанскім грамадствам псіхолагаў, паказвае, што людзі з высокім інтэлектам могуць выглядаць маладзей. Яны таксама застаюцца больш аптымістычнымі і бадзёрымі, калі становяцца старэйшымі, піша lifter.com.
Магчыма, вы думаеце, што разумныя людзі звычайна за здаровае харчаванне, добры сон, фізічную актыўнасць і лёгкі стрэс (ён робіць нас больш цягавітымі). Аднак гэтыя звычкі - не адзіны сакрэт чалавека без маршчын і сівых валасоў.
У даследаванні бралі ўдзел 4 494 добраахвотнікі і навукоўцы з універсітэтаў Ліёна, Фларыды, Білефельд і Монпелье. Вісконсінскае доўгачасовае даследаванне сабрала шэраг звестак пра IQ удзельнікаў, якія адлюстроўваюць звесткі з 1957 года, калі гэтыя людзі вучыліся ў сярэдняй школе.
У даследаваннях улічваўся ўзровень адукацыі, характар, кагнітыўныя здольнасці, а таксама стан іх здароўя ў перыяд паміж 1992 і 1993 гадамі.
Пасля збору інфармацыі высветлілася, што людзям, якія развівалі інтэлект на працягу ўсёй сваёй маладосці, удалося павысіць верагоднасць таго, што навакольным будзе цяжка вызначыць іх узрост у старасці. Яны таксама будуць адчуваць сябе маладзей і больш жыццёва важнымі.