Азербайджанскія вайскоўцы захапілі стратэгічны мост недалёка ад іранскай мяжы
- 18.10.2020, 20:08
- 19,300
Войска Азербайджана заняло старажытны мост праз раку Аракс.
Войска Азербайджана атрымала кантроль над стратэгічным мостам праз раку Аракс недалёка ад мяжы з Іранам і Арменіяй, паведамляе ВВС.
Спачатку паведамленні аб з'яўленні азербайджанскіх салдат у гэтай мясцовасці з'явіліся ў іранскіх суполках. З іранскага тэрыторыі было знята відэа, дзе можна ўбачыць сцяг Азербайджана над мостам.
Удзень аб узяцці моста напісаў у Twitter прэзідэнт Азербайджана Ільхам Аліеў.
Вооруженные силы Азербайджана подняли флаг Азербайджана над древним Худаферинским мостом. Да здравствует азербайджанский народ! Карабах –это Азербайджан!
— Ilham Aliyev (@presidentaz) October 18, 2020
Худаферынскі мост знаходзіцца прыкладна за 40 км ад лініі, з якой у канцы верасня пачаўся наступ азербайджанскага войска. Да мяжы Арменіі ад яго па прамой менш за 40 км.
Усяго ў гэтай мясцовасці знаходзіцца два масты, збудаваных у сярэднія вякі. Адзін - у працоўным стане, другі разбураны. Бераг Аракса і масты да апошняга часу кантралявалі ўзброеныя фармаванні непрызнанай Нагорна-Карабахскай рэспублікі.
