56% амерыканцаў мяркуюць, што Трамп не заслугоўвае другога тэрміну
32- 22.10.2020, 16:28
- 15,036
Прэзідэнты з рэйтынгам адабрэння, значна ніжэйшым за 50%, саступалі ў гонцы за пераабранне.
Большасць зарэгістраваных у ЗША выбарнікаў - 56% - мяркуюць, што прэзідэнт Дональд Трамп не заслугоўвае пераабрання, калі 43% кажуць, што заслугоўвае другой кадэнцыі ў Белым доме, паказвае свежае апытанне сацыялагічнай службы Gallup, піша «Зеркало недели тыдня. Украина».
Адсотак выбарнікаў, якія кажуць, што Трамп заслугоўвае перавыбрання на другі тэрмін, знізіўся на сем адсоткаў у параўнанні са студзеньскім апытаннем.
Адсотак выбарнікаў, якія цяпер кажуць, што Трамп заслугоўвае перавыбрання, супадае з ягоным апошнім агульным рэйтынгам адабрэння работы паводле звестак таго ж апытання. Папярэднія паказчыкі Gallup у пытанні, ці заслугоўвае перавыбрання Трамп, былі ў межах трох пунктаў ягонага рэйтынгу адабрэння.
Гістарычна ў ЗША ўсе кандыдаты з рэйтынгам адабрэння 50% і вышэй перамагалі на выбарах, а прэзідэнты з рэйтынгам адабрэння, значна ніжэйшым за 50%, саступалі, нагадвае Gallup.
Як і варта было чакаць, амаль усе рэспубліканцы (93%) кажуць, што прэзідэнт заслугоўвае пераабрання, у той час толькі нешматлікія дэмакраты (3%) згодныя з гэтым. Сярод незалежных выбарнікаў 36% мяркуюць, што Трамп заслугоўвае перавыбрання, а 61% кажуць, што не заслугоўвае.
Апытанне правялі з 30 верасня да 15 кастрычніка.