Мясцовыя выбары ва Украіне: апублікаваныя першыя звесткі экзітполаў у Кіеве
9- 25.10.2020, 21:48
- 26,335
Стала вядома, хто можа выйсці ў другі тур выбараў мэра Кіева.
Ва Украіне ў нядзелю, 25 кастрычніка, прайшлі мясцовыя выбары. Паступілі першыя вынікі экзітполаў, праведзеных на мясцовых выбарах у Кіеве.
Са звестак сацыялагічнай групы Рэйтынг, Віталь Клічко набірае 47,8% галасоў выбарцаў. На другім месцы кандыдат ад Апазіцыйнай платформы - За жыццё Аляксандр Папоў - 8,6% галасоў.
На трэцім месцы Сяргей Прытула ад партыі Голас - 8,3% выбарцаў. Ірына Верашчук ад Слугі народа набрала 8%. Аляксей Кучарэнка ад Бацькаўшчыны - 6%.
У астатніх кандыдатаў - менш за 5% галасоў выбарцаў.
Такім чынам, у другі тур выбараў мэра Кіева могуць выйсці Віталь Клічко і Аляксандр Папоў.