4 снежня 2020, Пятніца, 4:33
Сім сім, Хартыя 97!
Рубрыкі

Жонка «ліберала» Макея: Не трэба заклікаць да майго сумлення

155
Жонка «ліберала» Макея: Не трэба заклікаць да майго сумлення
ВЕРА ПАЛЯКОВА І АЛЕНА ГІРАНОК РАЗАМ ГРАЮЦЬ У СПЕКТАКЛІ «ТРЫ СЯСТРЫ»
ФОТА З САЦСЕТКІ

Такім чынам яна адрэагавала на арышт сваёй калегі па спектаклі «Тры сястры».

Жонка міністра замежных спраў Уладзіміра Макея, актрыса Вера Палякова адрэагавала на затрыманне 26 кастрычніка сваёй калегі па Тэатры-студыі кінаактора Алену Гіронак.

Як піша «Наша ніва», у сувязі з затрыманнем актрысы да Веры Паляковай-Макей у Фэйсбуку звярнуўся старшыня Беларускага фонду культурнай салідарнасці Сяргей Будкін: «Вельмі спадзяюся, што яе калега Вера Палякова, з якой яны сыгралі разам дзясяткі спектакляў, дапаможа зрабіць усё, каб Алена як мага хутчэй апынулася на волі».

Адказ стаўся досыць красамоўным:

«Не трэба, паважаныя, заклікаць да майго сумлення. Лене Гіранок не 5 гадоў і ўсе пытанні, датычныя нашага супрацоўніцтва мы з ёй абмеркавалі яшчэ да 9 жніўня! Я яе папярэджвала аб наступствах і мы дамовіліся, што на сцэне мы па-за палітыкай, а ў звычайным жыцці кожны застаецца пры сваім меркаванні! Я ніколі не адмоўчваюся, і, у адрозненне ад многіх з вас, маё меркаванне не мяняецца ўжо цягам 20 гадоў.

Лена ўжо даўно дома. Я знаходжуся ў шпіталі ў цяжкім стане (у актрысы каранавірус. - заўв. Рэд). Прычым вам падобныя яшчэ пажадалі мне здохнуць.

Таму не трэба тут хернёй пакутаваць! Займіцеся лепш справай, а то не гадзіцца здаровым мужыкам языкамі ў сетцы часаць. Брыдка чытаць такое».

Алену Гіранок выпусцілі з Маскоўскага РУУС у ноч на 27 кастрычніка.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».