Мама Алены Леўчанкі: Алена дакладна вытрымае і стане мацнейшай
8- 7.10.2020, 18:54
- 26,033
Знакамітую баскетбалістку ізалятарам не зламаць.
«Трибуна» сустрэлася з 70-гадовай Людмілай Паўлаўнай, каб пагаварыць аб арышце Алены Леўчанкі і пра тое, ці рэальна турмой зламаць волю яе дачкі.
- Як думаеце, пасля ізалятара погляды дачкі памяняюцца?
- Мне здаецца, сітуацыя Алену загартуе яшчэ больш. Адзінае, як я ўжо сказала, перажываю за стан здароўя дачкі. А астатняе яна дакладна вытрымае і стане мацнейшай.
- Якой яна выйдзе з-за кратаў?
- Мацнейшай духам. Адзінае, што можа суняць яе жаданне дамагчыся пастаўленых мэтаў, пераменаў, гэта здароўе.
- Алена прадоўжыць хадзіць на маршы?
- Калі не з'едзе на рэабілітацыю, то, думаю, мы яе ўбачым на такіх акцыях. Так, небяспечна, але Алена не здасца. Я ў гэтым упэўненая.
- Вам не крыўдна, што з гэтай вялікай кампаніі спартоўцаў, якая ходзіць на маршы, забралі менавіта вашу дачку?
- Мне здаецца, ёсць нейкія закулісныя гульні. Можа, за ёй сачылі, можа, нейкія ранейшыя крыўды на Алену ва ўладаў. Не ведаю, трэба капаць глыбей. А можа, Лена проста спадабалася, яна ж прыгожая.
- У вас не было жадання дастукацца да чыноўнікаў, высветліць, чаму з Аленай так паступілі?
- А да каго ісці, у якія дзверы грукацца, калі ўсюды – глухі мур?