Сусветнай эканоміцы прадказалі «вялікія перамены»
1- 9.10.2020, 21:35
- 22,970
Глабальная эканоміка ўступае ў другую, больш «плоскую» фазу двухэтапнага аднаўлення.
Брытанскі інвестбанк HSBC прадказаў сусветнай эканоміцы час «вялікіх перамен», галоўныя з якіх будуць заключацца ў кардынальнай перабалансіроўцы інвестыцыйных партфеляў, піша lenta.ru са спасылкай на CNBC.
Паводле ацэнкі аналітыкаў HSBC, глабальная эканоміка ўступае ў другую, больш «плоскую» фазу двухэтапнага аднаўлення, якое ў агульным выглядзе можна прадставіць у форме галачкі на графіцы. У найбліжэйшыя паўгода-год сусветны ВУП адновіцца да ўзроўню 90-95 працэнтаў ад дакрызісных паказчыкаў.
Асноўныя змены будуць звязаныя з масавай адмовай інвестараў ад дзяржаўных аблігацый розных краін, якія ўважаліся адным з найбольш надзейных і прывабных актываў на працягу апошняга дзесяцігоддзя - шмат у чым за кошт станоўчай даходнасці і адмоўнай карэляцыі з катыроўкамі акцый.
Аднак апошнім часам праз палітыку многіх цэнтрабанкаў па зніжэнні ставак для стымулявання нацыянальных эканомік даходнасць дзяржаўных аблігацый пачала крытычна зніжацца. У такіх умовах інвестары - як прыватныя, так і інстытуцыйныя - з вялікай доляй верагоднасці пераарыентуюцца на карпаратыўныя паперы, а таксама на іншыя актывы, сярод якіх золата.
Некаторыя інвестары ў пошуках падвышанай прыбытковасці могуць таксама звярнуцца да венчурных укладанняў у высокатэхналагічныя стартапы, якія характарызуюцца павышаным узроўнем рызыкі.