Грузінскія лекары распавялі пра стан беларусаў, якія трапілі ў аварыю

У рэанімацыі застаюцца двое з пятнаццаці пацыентаў.

Ні ў каго з беларусаў, якія выжылі ў аварыі ў Грузіі, няма парушэнняў жыццёва важных паказчыкаў. Пра гэта журналістам распавёў намеснік дырэктара Батумскай рэспубліканскай бальніцы Георгі Кікабідзэ.

Стан аднаго дзіцяці спачатку ацэньвалі як цяжкі. У яго дыягнаставалі эпідуральнае кровазліццё ў галаўны мозг і тэрмінова перавялі ў рэанімацыю.

«Зараз назіранне за яго станам вядзецца ў дынаміцы. На шчасце, хірургічнага ўмяшання не спатрэбілася. Сёння стан усіх пацыентаў застаецца стабільным», — паведаміў Кікабідзэ.

У рэанімацыі застаюцца двое з пятнаццаці пацыентаў, але пагрозы іх жыццю няма.

Смяротная аварыя з беларускімі турыстамі ў Грузіі адбылася напярэдадні. Іх мікрааўтобус на павароце дарогі зваліўся ў абрыў. Загінулі чатыры чалавекі, 15 з траўмамі былі шпіталізаваныя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com