Чэмпіён свету і Еўропы: Ёсць сілавікі, якія таемна дапамагаюць пратэстоўцам
- 1.12.2020, 9:53
- 32,818
Працэс пайшоў.
Чэмпіён свету і Еўропы, пераможца I Еўрапейскіх гульняў Сцяпан Папоў у новым выпуску на канале «ЧестнОК» распавёў аб сваіх знаёмых у сілавых структурах.
«Ва ўсіх маіх знаёмых у сілавых структурах адны словы: «Я не ўдзельнічаў у разгонах, мяне там не было. Я хварэў, дзесьці яшчэ быў». Хоць потым ўсе фатаграфіі з'яўляюцца ў сеціве, дзе яны ўдзельнічаюць і робяць нейкія рэчы.
Калі потым прозвішчы гэтыя знаёмыя бачыш. Крыўдна і непрыемна. Хацелася б, каб яны ў гэтым не ўдзельнічалі. Каб яны, наадварот, прамывалі мазгі тым, хто ўдзельнічае ў разгонах і затрыманнях.
Ім жа кажуць, што там наркаманы і прастытуткі выходзяць. Вось я выходжу. А яны мяне ведаюць. Хацелася б, каб яны даносілі думка іншым, што трэба супакойвацца.
Ведаю, што там ёсць годныя людзі. І без іх зусім было б кепска. Калі б засталіся адны бязлумныя выканаўцы, без гонару, без сумлення, без сораму, без годнасці.
Так што ёсць яшчэ годныя. Яны дапамагаюць таемна. Мне прыходзіць інфармацыя», - сказаў Папоў.