У Еўропе хочуць узаконіць права супрацоўніка адключаць сувязь пасля працы

У Еўрапарламенце адзначаюць, што кругласутачная даступнасць ўплывае на здароўе.

У Еўропе прапануюць дазволіць супрацоўнікам не адказваць на званкі і паведамленні працадаўцы ў непрацоўны час. Такую прапанову сёння ўхваліў Еўрапарламент на ўзроўні камітэта ў пытаннях працы.

Пра гэта гаворыцца ў афіцыйным паведамленні Еўрапарламента.

Рэзалюцыю, прынятую 1 снежня, падтрымалі 31 галасамі «за», тады як «супраць» галасавалі 6 і яшчэ 18 - устрымаліся.

Дакумент заклікае Еўракамісію ўнесці праект Дырэктывы ЕЗ аб праве выключаць сродкі камунікацыі, бо цяпер гэта не прапісана ў заканадаўстве належным чынам.

У рэзалюцыі гаворыцца, што культура, што ўхваляе кругласутачнае знаходжанне на сувязі, разам з чаканнямі працадаўцы, што работнік павінен быць даступным заўсёды, можа негатыўна ўплываць на баланс паміж працай і асабістым жыццём, фізічнае і ментальнае здароўе людзей, задаволенасць жыццём. Гэта стала асабліва вострым пытаннем ва ўмовах эпідэміі каранавіруса, калі яшчэ больш людзей пачалі працаваць з дома.