Дыктатар у пастцы
19- 4.12.2020, 11:21
- 64,568
Ягоныя дні палічаныя.
Пасля выбараў у жніўні людзі ў Беларусі выйшлі на вуліцы, працоўныя дзяржаўных прадпрыемстваў абвясцілі страйк, а міліцыя і вайскоўцы пачалі жорстка душыць пратэсты. Стралялі і гумовымі кулямі, і баявымі. Людзей збівалі перад тэлекамерамі, турмы перапоўненыя, многія беглі ў суседнія краіны, перш за ўсё ў Літву, піша ў артыкуле для выдання Berlingske Уфэ Элеман-Енсэн, былы міністр замежных спраў Даніі (пераклад — inosmi.ru).
І ЕЗ, і ЗША ўвялі санкцыі, але засцерагліся пагаршаць канфлікт, каб ён не прывёў да наўпроставай канфрантацыі з Расеяй.
Пакуль што Пуцін падтрымлівае Лукашэнку, хаця ў Маскве яго і ўважаюць за фігуру недарэчную. Аж да выбараў 9 жніўня ён нават абвінавачваў Расею ва ўмяшанні ў перадвыбарную гонку. Ён паведаміў, што расейскія «лялькаводы» падтрымліваюць апазіцыю і што ў Беларусі арыштаваныя 33 чальцы неафіцыйнага расейскага ўзброенага фармавання.
Але пасля галасавання атмасфера напалілася, і Лукашэнка загаварыў па-іншаму. Арыштаваных расейцаў адпусцілі дадому, а беларускі дыктатар стаў скардзіцца, што войскі NATO падышлі да самых межаў краіны. Гэта была поўная лухта, але зразумела, каму гэтыя словы прызначаліся: цяпер Пуцін павінен быў яму дапамагчы.
Лукашэнку запрасілі ў палац Пуціна на ўзбярэжжы Чорнага мора ў Сочы. Расейскі прэзідэнт паабяцаў яму эканамічную дапамогу, але пры гэтым заявіў, што беларусам варта самім развязваць свае ўнутраныя праблемы шляхам «мірнага дыялогу».
Пасля гэтай сустрэчы многія падрабязна аналізавалі мову цела Пуціна: ягоная пагарда да Лукашэнкі кідалася ў вочы. І ён быў падобны на ката, які загнаў мыш у кут.
На мінулым тыдні ў Менск ездзіў расейскі міністр замежных спраў Сяргей Лаўроў. Ён сказаў: «Перш за ўсё, прывітанне вам ад Уладзіміра Уладзіміравіча. Ён пацвердзіў усё, пра што вы дамовіліся з ім перш, асабліва ў Сочы».
Нам застаецца толькі чакаць. «Пра што канкрэтна яны дамовіліся з Пуціным? Нам застаецца толькі чакаць», - піша Уфэ Элеман-Енсэн. Але пры гэтым дадае, што ў кожным выпадку «дні Лукашэнка палічаныя».
Пра тое, што ён больш не будзе супраціўляцца ідэі агульнай для Расеі і Беларусі канстытуцыі? У такім разе дні Лукашэнкі палічаныя.