9 сакавiка 2021, aўторак, 1:55
Сім сім, Хартыя 97!
Рубрыкі

Вакцынацыя Расеі ад COVID-19 – на мяжы зрыву

23
Вакцынацыя Расеі ад COVID-19 – на мяжы зрыву
ФОТА: ТАСС

У «Спадарожніку V» выявілі сур'ёзныя недахопы.

Перашкодай для масавай вакцынацыі ў Расеі можа стаць недахоп другога кампанента вакцыны "Спадарожнік V". Пра гэта піша "Медуза". Раней паведамлялася і пра іншыя праблемы, як з вытворчасцю, так і з заканадаўствам, якія могуць стаць перашкодамі для масавай вакцынацыі.

Пра пачатак вакцынацыі заявіў у пачатку тыдня прэзідэнт Расеі Уладзімір Пуцін. У Маскве яна павінна пачацца ўжо ў суботу, 5 снежня. Паводле звестак "Медузы", у Расеі цяпер выпушчана шмат першага кампанента вакцыны, аднак фармкампанія пакуль не можа наладзіць стабільнай вытворчасці другога. "Без яго вакцынацыю можна пачаць, але нельга – скончыць", – адзначае выданне.

Крыніцы "Медузы" – федэральны чыноўнік і прадстаўнік фармацэўтычнай галіны – сцвярджаюць, што цяпер на складах у Расеі ёсць толькі блізу 500 тысячаў дозаў вакцыны "Спадарожнік V". Вакцыну неабходна ўводзіць праз два прыёмы – з інтэрвалам некалькі тыдняў. Калі з вытворчасцю першага кампанента праблемаў няма, то вытворчасць другога кампанента ў прамысловых маштабах пакуль не наладжаная. Крыніцы кажуць, што гэтая праблема можа быць развязаная цягам паўтара месяцаў. Вакцыну, аднак, трэба не толькі вырабіць, але і праверыць на якасць.

Раней The Bell таксама пісаў, што масавую вытворчасць вакцыны наладзіць так да гэтага часу і не атрымалася. Суразмоўцы выдання кажуць, што больш за 500 тысячаў дозаў вакцыны да канца года вырабіць не атрымаецца. Крыніца ў адной з кампаній, якія працуюць над вытворчасцю вакцыны, сказала, што ёй "відавочна, што колькасць вакцынаў, якія будуць даступныя зімой, занадта маленькая, каб правакцынаваць неабходную колькасць насельніцтва".

Расейская вакцына ад COVID-19, распрацаваная Цэнтрам Гамалеі Міністэрства аховы здароўя Расеі, была афіцыйна зарэгістраваная 11 жніўня, стаўшы, тым самым, першай зарэгістраванай вакцынай ад каранавірусу новага тыпу ў свеце. Пры гэтым да моманту рэгістрацыі яна прайшла толькі 2 фазы клінічных выпрабаванняў, гэта значыць была выпрабаваная на некалькіх дзясятках людзей. Пасля ходам 3-й фазы выпрабаванняў было абвешчана, што эфектыўнасць вакцыны перавышае 95 адсоткаў. Незалежных ацэнак вынікаў выпрабаванняў пакуль няма.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».