Турцыя адказала на артабстрэл у Сірыі: забітыя звыш 100 байцоў, збіты гелікаптэр войска Асада
- 10.02.2020, 23:00
- 25,422
Турэцкія вайскоўцы абстралялі 115 цэляў рэжыму Башара Асада.
Турцыя нанесла ўдар па пазіцыях сірыйскага ўрадавага войска ў адказ на артабстрэл у Ідлібе.
Пра гэта паведамляе «Новое время» са спасылкай на Міністэрства нацыянальнай абароны Турцыі.
Паводле паведамлення, турэцкія вайскоўцы абстралялі 115 цэляў рэжыму Башара Асада.
Паводле папярэдніх звестак, у выніку быў «нейтралізаваны» 101 баец сірыйскага войска, знішчаныя тры танкі, дзве артылерыйска-мінамётныя пазіцыі і збіты адзін гелікоптэр.
У Міністэрстве абароны Турцыі падкрэслілі, што турэцкае войска неадкладна адрэагавала на атаку сіл Асада ў адпаведнасці з «правіламі вядзення баявых дзеянняў і законным правам на самаабарону».
Нагадаем, што пяць турэцкіх салдат загінулі ў выніку абстрэлу сірыйскага ўрадавага войска па турэцкаму наглядальнаму пункту ў правінцыі Ідліб.