Ці бегчы беларусам у абменнік?

Курс даляра імкнецца да рэкорду.

Курс даляра паступова прадаўжае рост. 13 лютага ён перасягнуў 2,2 рубля. На думку старэйшага аналітыка «Альпары» Вадзіма Іёсуба, у найбліжэйшыя дні абнаўленне максімуму вельмі магчымае. Аднак абвалу не будзе.

- Нават наўрад ці рубель будзе падаць тымі тэмпамі, якімі ён падае апошнія тыдні. Але, тым не менш, асноўны вектар будзе такі, што валюта даражэцьме, - адзначыў Вадзім Іёсуб у інтэрв'ю tut.by. - Але не факт, што яна падаражэе настолькі, што купля валюты або нават яе захоўванне на банкаўскіх дэпазітах, якія даюць не больш за 2% гадавых будзе больш выгаднае, чым захоўваць грошы на рублёвых дэпазітах. Таму, з майго пункту гледжання, калі ёсць лішнія рублі, то іх больш выгадна пакласці на рублёвы дэпазіт, чым бегчы набываць на іх валюту.

Са слоў Вадзіма Іёсуба, калі беларускі рубель зноў пачне мацнець, спрагназаваць нельга.

- Гэта будзе залежаць ад дынамікі заробкаў і таго, што ў нас будзе ў вонкавым сектары з пастаўкамі нафты – ці адновіцца паўнавартасны экспарт нафтапрадуктаў.