Fox News: Колькі каштуе Расея?

Звесткі, якія падкрэсліваюць слабасць Расеі.

Намінальны валавы ўнутраны прадукт (ВУП) Расеі складае 1,64 трыльёна даляраў, а парытэт пакупніцкай здольнасці (ППЗ) - 4,21 трыльёна даляраў, гаворыцца ў лістападаўскай справаздачы «Інвестапедыі» (Investopedia), піша Fox News (пераклад - inosmi.ru).

Па памеры ВУП найбуйнейшая краіна ў свеце знаходзіцца трохі ніжэй за Канаду, але вышэй за Паўднёвую Карэю. Паводле звестак той жа «Інвестапедыі», для параўнання, намінальны ВУП і ППЗ ЗША складаюць 21,44 трыльёна даляраў.

Каштоўнасць еўразійскай дзяржавы шмат у чым вызначаецца яе геаграфіяй. На Расею прыпадае 20% сусветных запасаў, і рэсурсы складаюць 95,7% яе нацыянальнага багацця, паводле звестак турыстычнай кампаніі па Каўказе і Сярэдняй Азіі «Адвантур» (Advantour).

Расея валодае 30% сусветных запасаў газу (першае месца), здабывае 10% уласнай нафты (другое месца ў свеце) і валодае 22 вугальнымі басейнамі і 115 радовішчамі. Акрамя таго, Расея займае першае месца па пакладам жалеза, другое па волаву і трэцяе па свінцу, паведамляе «Адвантур».

Аб'ём прамых замежных інвестыцый (ПЗІ) складае 35,44 мільярда даляраў, а дзяржаўная запазычанасць Расеі паводле стану на 2017 г. складала 15,5% ВУП. З 1998 да 2008 года эканоміка Расеі вырасла на 7%, але неўзабаве ўпала на 2,8% падчас рэцэсіі 2015 года. Паводле звестак Сусветнай кнігі фактаў ЦРУ, расейскі ВУП зноў стаў расці ў 2017 годзе, калі сусветны попыт зноў падвысіўся.

«Расея зведала значныя змены пасля распаду СССР, перайшоўшы ад цэнтралізаванай планавай эканомікі да больш рынкавай сістэмы, - гаворыцца ў Сусветнай кнізе фактаў. - Аднак і эканамічны рост, і рэформы ў апошнія гады замарудзіліся, і Расея па-ранейшаму застаецца пераважна нерыначнай эканомікай, чыё багацце ў значнай ступені сканцэнтраванае ў руках чыноўнікаў».

«Падчас эканамічных рэформаў 1990-х большая частка прамысловасці, за выключэннем энэргетыкі, транспарту, банкаўскай справы і абароны, была прыватызаваная. Абарона правоў уласнасці ўсё яшчэ слабая, і дзяржава актыўна ўмешваецца ў свабодную дзейнасць прыватнага сектара», - заключае кніга фактаў.