27 траўня 2020, Серада, 3:42
Сім сім, Хартыя 97!
Рубрыкі

ЕЗ пашырыў санкцыі супраць сірыйскага рэжыму

ЕЗ пашырыў санкцыі супраць сірыйскага рэжыму

На сёння пад санкцыямі Еўразвязу ў дачыненні да Сірыі знаходзяцца 277 чалавек і 71 кампанія.

Еўрапейскі Звяз дадаў у свой санкцыйны спіс восем чалавек і дзве кампаніі, якія супрацоўнічалі з сірыйскім рэжымам Башара Асада.

Як паведамляе «Европейская правда», пра гэта Рада ЕЗ паінфармавала ў панядзелак на сваім сайце.

«Сёння Рада дадала восем вядучых бізнэсоўцаў і дзве арганізацыі, звязаныя з гэтымі бізнэсоўцамі, у спіс асоб і арганізацый, якія падпадаюць пад санкцыі супраць сірыйскага рэжыму і яго прыхільнікаў», - гаворыцца ў паведамленні.

«Іх дзейнасць прынесла карысць рэжыму Асада, у тым ліку праз праекты, размешчаныя на землях, экспрапрыяваных у перамешчаных асоб», - дадаецца ў заяве.

На сёння пад санкцыямі ЕЗ у дачыненні да Сірыі знаходзяцца 277 чалавек і 71 кампанія.

Акрамя таго, санкцыі ЕЗ у дачыненні да Сірыі ўключаюць нафтавае эмбарга, абмежаванні на пэўныя інвестыцыі, замарожванне актываў сірыйскага Цэнтральнага банка, якія знаходзяцца ў ЕЗ, і экспартныя абмежаванні на абсталяванне і тэхналогіі, якія могуць быць выкарыстаны для ўнутраных рэпрэсій.

Санкцыі ЕЗ супраць Сірыі былі ўведзеныя ў 2011 годзе і пераглядаюцца штогод.