Сяргей Шнураў уступіў у «Партыю росту» і будзе балатавацца ад яе ў Дзярждуму

Указанні аб гэтым маглі даць у Адміністрацыі прэзідэнта РФ.

Лідар гурта «Ленінград» Сяргей Шнураў уступіў у «Партыю росту». Пра гэта абвясцілі на сустрэчы лідара партыі Барыса Цітова з кіраўнікамі рэгіянальных аддзяленняў у Пецярбургу, піша tjournal.tu. Музыка будзе балатавацца ад партыі ў Дзярждуму на выбарах 2021 года.

«Жыццё маё зазіхацела такім дзіўным паваротам. Памаячыла мне ў выглядзе «Партыі росту». Мне здаецца, я вам спатрэблюся. Прынамсі, унясу яскравыя фарбы. Буду называць рэчы сваімі імёнамі. Са мной будзе відавочна весялей» - кажа Сяргей Шнураў.

Паводле інфармацыі «Открытых медиа», Шнурава папрасілі прыняць у партыю на ўказанне адміністрацыі прэзідэнта, і Цітоў аддаў яму першы нумар у спісе партыі на выбарах. Выданне паведамляе, што ў Крамлі даўно планавалі ўдзел музыкі ў выбарах, але сумняваліся праз яго невысокі рэйтынг сярод расейцаў. Суразмоўца «Открытых медиа» сказаў, што доля выбаршчыкаў, якія дакладна за яго не прагаласуюць, не перавышае 50%.

У студзені «Медуза» пісала, што ў АП разглядалі сцэнары рэгістрацыі некалькіх новых партый для стварэння ілюзіі канкурэнцыі на выбарах у Дзярждуму. Сярод новых апазіцыйных лідараў называліся у тым ліку Юры Дудзь і Сяргей Шнураў.

Раней аб стварэнні партый абвясцілі заснавальнік Faberlic Аляксей Нячаеў і дырэктар што да прадукту World of Tanks Вячаслаў Макараў.