Галявы дубль Аксенцюка прынёс «Флінту» перамогу над «Ніагарай»

У спісе клубных бамбардзіраў беларус дагнаў чэмпіёна свету ў складзе канадскай «маладзёжкі» Тая Деландрэа.

Галявы дубль Яўгена Аксенцюка ў большасці прынёс «Флінту» выязную перамогу над «Ніагарай» у рэгулярным чэмпіянаце хакейнай лігі Антарыя - 4:0. Вікторыя стала 14-й запар для «Файрбэрдс», якія зноў перапісалі клубны рэкорд, паведамляе pressball.by.

У актыве берасцейца стала 30 галоў і 67 балаў у 50 гульнях. У спісе клубных бамбардзіраў ён дагнаў чэмпіёна свету ў складзе канадскай «маладзёжкі» Тая Дэландрэа.

На рахунку Уладзіслава Калячонка ў матчы з «Ніагарай» 2 кідкі і паказчык карыснасці 0. Аксянцюк, акрамя дубля, занёс «+1» у графу «плюс-мінус», зарабіў дзве хвіліны штрафу і быў прызнаны другой зоркай вечара.

Дзякуючы перамозе «Флінт» апярэдзіў «Сагіна» і падняўся на першае месца ў Заходнім дывізіёне. «Ракеты» таксама ўстанавілі клубны рэкорд у колькасці балаў за сезон (74).

«Сагіна», які саступіў лідарства ў дывізіёне на выездзе саступіў і «Бары» - 5:6. Абаронца гасцей Ілля Салаўёў выходзіў на лёд у стартавай пяцёрцы і адзначыўся адным трапляннем у браму.