Стала вядома, што зменіцца ў рахунках праз цёплую зіму
8- 23.02.2020, 20:40
- 20,642
Гэта тычыцца многіх беларусаў.
Праз цёплую зіму рахункі беларусаў стануць лягчэйшымі. Эканомія будзе асабліва прыкметная для тых, у каго ўсталяваныя прыборы індывідуальнага ўліку цяпла, піша tut.by.
Батарэі, якія практычна ўсе тры месяцы былі выстаўленыя на мінімуме, адаб'юцца на паказчыках лічыльнікаў цяпла. Гэта паўплывае і на выніковыя за ацяпляльны сезон лічбы ў рахунках.
- Што тычыцца тыпавой двухпакаёўкі 48 метраў з наяўнасцю зарэгістраваных: за студзень 2019 года было налічана 17,93 руб, за студзень 2020 года - 14,32 руб. Улічваючы, што тарыф павысіўся, але аб'ём гігакалорыяў паменшыўся за кошт цёплай зімы, эканомія відавочная, - сказала Таццяна Мікуліч, намесніца начальніка ўправы ў разліку ЖКП філіяла «Адзіны разлікова-даведачны цэнтр г. Менска».
У канцы ацяпляльнага сезона, як правіла, адбываецца пераразлік. Больш выгады атрымаюць тыя, у чыіх дамах усталяваныя прыборы індывідуальнага ўліку цяпла ці выпарнікі - ёсць магчымасць самастойна рэгуляваць тэмпературу ў доме.
- Бярэцца ўся сума, што яны аплацілі згодна з прыборам групавога ўліку, бяруцца фактычныя выдаткі з індывідуальных прыбораў уліку і выводзіцца гэтая розніца. Гэта значыць, калі чалавек эканоміў, а сусед - не, то сусед атрымае даплату, вы атрымаеце вяртанне.