У Італіі колькасць памерлых ад каранавіруса павялічылася да чатырох

Мужчына памёр у лякарні горада Бергама.

Пра гэта паведамляе "Еўрапейская праўда" са спасылкай на Ansa.

84-гадовы мужчына, які быў шпіталізаваны на мінулым тыдні. Ён быў "паджылым чалавекам з іншымі захворваннямі", растлумачыў прэзідэнт Ламбардыі Атыліё Фантана.

Паводле ягоных слоў, колькасць людзей, заражаных у рэгіёне вырасла да 165. Гэтая лічба ўлічвае, у тым ліку, памерлых ад каранавіруса і людзей, якія вылечыліся і былі выпісаныя са шпіталяў.

У Ламбардыі гэта ўжо трэці смяротны выпадак сярод пацыентаў з каранавірусам. Усе яны былі паджылымі людзьмі і таксама пакутавалі ад іншых сур'ёзных захворванняў.

Нагадаем, урад Італіі абвясціў аб надзвычайных мерах для барацьбы з распаўсюджваннем найбуйнейшай успышкі новага каранавіруса ў Еўропе.

У адпаведнасці з планам, дзесяць невялікіх гарадоў у паўночных рэгіёнах Ламбардыі і Венета былі ізаляваныя. Улады папрасілі блізу 50 000 жыхароў заставацца дома.