СААЗ: Пік эпідэміі каронавіруса пройдзены
7- 24.02.2020, 20:00
- 32,953
Каронавірус дагэтуль не зазнаў мутацый.
Пік эпідэміі каронавіруса ў Кітаі пройдзены. Пра гэта на брыфінгу заявіў кіраўнік Сусветнай арганізацыі аховы здароўя Тэдрас Аданам Гебрэісус, паведамляе РБК са спасылкай на Twitter СААЗ.
З ягоных слоў, сёння сумесная місія СААЗ і Кітая падала даклад паводле вынікаў вывучэння сітуацыі ў кітайскіх правінцыях, у тым ліку ў Ухані.
«Каманда зрабіла шэраг высноў пра трансмісіўныя вірусы, цяжкасці захворванняў і ўплыў прынятых захадаў. Яны выявілі, што эпідэмія дасягнула свайго піку паміж 23 студзеня і 2 лютага і з тых часоў няўхільна зніжаецца», - заявіў Гебрэісус.
Ён таксама дадаў, што з моманту выяўлення каронавіруса не было істотных змен у яго ДНК. А ўзровень смяротнасці склаў ад 2% да 4% ва Ухані і 0,7% за межамі горада.