29 сакавiка 2020, Нядзеля, 20:26
Народны карантын
Рубрыкі

Лукашэнка: Абарона правоў працоўных з'яўляецца прыярытэтам дзяржавы

119
Лукашэнка: Абарона правоў працоўных з'яўляецца прыярытэтам дзяржавы
АРХІЎНАЕ ФОТА BYMEDIA

Дыктатар чарговым разам трызніць.

Лукашэнка сёння выступіў на VIII з'ездзе Федэрацыі прафсаюзаў Беларусі, паведамляе карэспандэнт БелТА.

На думку Лукашэнкі, у Беларусі мэты дзяржаўнага развіцця і інтарэсы народа супадаюць. Ён заўважыў, што дзякуючы гэтай еднасці гісторыя суверэннай Беларусі не ведала масавага зацяжнога супрацьстаяння і «паказальных» выступаў грамадскіх арганізацый, прыклады якіх так часта з'яўляюцца ў міжнародных навінах.

«Беларускі народ абраў шлях сацыяльнага дыялогу, і мы не раз пераконваліся ў яго разумнасці і перспектыўнасці», - падкрэсліў Лукашэнка.

Цяперашняе мерапрыемства дыктатар назваў значнай падзеяй у грамадскім і палітычным жыцці краіны, якое выказвае інтарэсы і запыты ўсіх працаздольных грамадзян. «Мы маем усе падставы сцвярджаць, што ў нашай найноўшай гісторыі прафсаюзны рух з'яўляецца паўнапраўным удзельнікам будаўніцтва краіны. Мы стварылі дзяржаву, галоўнымі каштоўнасцямі якой з'яўляюцца людзі і справядлівае да іх стаўленне. Гэты выбар прадвызначыў далейшае развіццё партнёрскага ўзаемадзеяння паміж уладай і грамадскімі арганізацыямі», - заявіў Лукашэнка.

Лукашэнка адзначыў, што сёння ўсе - мясцовыя «саветы дэпутатаў», аб'яднанні моладзі, жанчын і ветэранаў, прафсаюзы - працуюць на стварэнне, забяспечваюць грамадзянскую кансалідацыю. Уважае гэта за адно з галоўных дасягненняў. «Як і тое, што абарона правоў працоўных з'яўляецца прыярытэтным накірункам развіцця дзяржавы, - дадаў ён. - У Беларусі працоўныя абароненыя як ні ў якай іншай краіне - ад Канстытуцыі да зусім нядаўна прынятага ўказа аб датэрміновых прафесійных пенсіях».

Дыктатар адзначыў, што, як яго інфармавалі прафсаюзы, найбольшую занепакоенасць выклікаюць факты несвоечасовай выплаты. «Вось гэта трэба выпальваць гарачым жалезам, не лічачыся ні з чым. Адказнасць кіраўнікоў прадпрыемстваў павінна быць адназначная. Заробак, кроў з носу, плаціць трэба», - падкрэсліў беларускі дыктатар.