Даляр зноў б'е рэкорды

У апошнія таргі зімы амерыканская валюта абнавіла гістарычны максімум у Беларусі.

Перад наступнымі таргамі Беларускай валютна-фондавай біржы, якія адбудуцца ўжо вясной, курс рубля чарговым разам абнавіў гістарычны рэкорд, піша сайт svaboda.org.

2,2391 беларускага рубля за даляр.

28 лютага даляр вырас на 0,0051 капейкі да 2,2391 рубля. За дзень да таго было 2,2340.

Еўра таксама падскочыў, прычым адразу на 2,6 капейкі - да 2,4672. Але гэта не максімальнае значэнне, два гады таму курс дасягаў 2,5.

Як і ў ранейшыя дні, працягвае страчваць пазіцыі расейскі рубель - апусціўся на 0,0619 капейкі да 3,3406 за 100 адзінак.