Спікер кнэсета Ізраіля Юлій Эдэльштэйн сышоў у адстаўку

Добраахвотная адстаўка спікера адбылася ўпершыню ў гісторыі Ізраіля.

Спікер кнэсета Ізраіля Юлій Эдэльштэйн, які займаў гэтую пасаду з 2013 года, 25 сакавіка падаў заяву аб адстаўцы. Пра гэта паведамляюць "Дэталі".

Эдэльштэйн абвясціў аб сваёй адстаўцы на адкрыцці пасяджэння парламента і растлумачыў яго нязгодай з вердыктам БАГАЦ (Вярхоўнага суда Ізраіля). Суд прызнаў незаконным распараджэнне Эдэльштэйна закрыць парламент на час эпідэміі каранавіруса.

Адкрыўшы пленарнае пасяджэнне кнэсета Ізраіля, спікер Юлій Эдэльштэйн раскрытыкаваў БАГАЦ за ўмяшальніцтва ў працу заканадаўчай улады, незаснаванае, паводле ягоных слоў, на ўладзе закона. Аднак адзначыў, што не гатовы садзейнічаць грамадзянскай вайне і не дазволіць праз гэты канфлікт пагрузіць краіну ў анархію.

"Дэпутаты кнэсета і грамадзяне Ізраіля, - сказаў Эдельштэйн у сваёй кароткай прамове. - У мінулы панядзелак Вышэйшы суд справядлівасці пастанавіў, што старшыня кнэсета павінен да канца тыдня правесці выбары новага старшыні. Гэтая пастанова БАГАЦа заснаванае не на законе, а на яго аднабаковай і вельмі радыкальнай трактоўцы. Пастанова БАГАЦа супярэчыць статуту кнэсета і руйнуе яго працу. Пастанова БАГАЦа паказвае грубае і паспешлівае ўмяшанне судовай сістэмы ў пытанні, [якія не тычацца кампетэнцыі] заканадаўчай абранай улады і пастанова БАГАЦа наносіць беспрэцэдэнтную шкоду суверэнітэту народа і суверэнітэту кнэсета. Пастанова БАГАЦа падрывае асновы ізраільскай дэмакратыі

Як дэмакрат, як габрэй-сіяніст, як той, хто змагаўся супраць змрочных рэжымаў, і як старшыня абранага кнэсета, я разумею, што гэтая пастанова БАГАЦа - памылковая і грубая, і, на мой погляд, прыводзіць да небяспечнага адхілення ад прынятых нормаў.

Дэпутаты кнэсета, як той, хто заплаціў цяжкую асабістую плату - гады зняволення і прымусовых работ - за права быць грамадзянінам Дзяржавы Ізраіль, мне няма неабходнасці тлумачыць, наколькі я люблю Ізраіль і габрэйскі народ. Таму як дэмакрат, як габрэй-сіяніст, як старшыня гэтага дома, я не стану спрыяць таму, каб краіна патанула ў анархіі. Не стану спрыяць грамадзянскай вайне. [Падобна да таго], як дзейнічаў Менахем Бегін, калі ў чэрвені 1948 года, у дні "Альталены", прадухіліў грамадзянскую вайну

Дэпутаты кнэсета, грамадзяне Ізраіля, у гэтыя дні наш народ мае патрэбу ў яднанні, мае патрэбу ва ўрадзе нацыянальнага адзінства. У гэтыя дні, калі звонку нам пагражае эпідэмія, а знутры нас раздзірае разлад, усе павінны быць людзьмі, усе павінны пераадолець гэта, усе павінны аб'яднацца. Таму, дзеля Дзяржавы Ізраіль і дзеля таго, каб умацаваць павагу да ізраільскай дзяржаўнасці, я падаю ў адстаўку са сваёй пасады старшыні кнэсета, молячыся пра лепшыя часы і дзейнічаючы дзеля іх".

Добраахвотная адстаўка спікера адбылася ўпершыню ў гісторыі Ізраіля.