У Італіі за дзень ад каронавіруса памерла амаль тысяча чалавек

Колькасць ахвяр эпідэміі каронавіруса у Італіі вырасла з 8135 да 9134 чалавек.

За мінулыя дні ў Італіі ахвярамі каронавіруснай інфекцыі сталі 999 чалавек. Пра гэта сведчаць звесткі Міністэрства аховы здароўя Італіі, піша gordonua.com.

Такім чынам, агульная колькасць загінулых узрасла да 9134 чалавек.

Агульная колькасць зарэгістраваных выпадкаў каронавіруса ў краіне вырасла да 86 498. У гэтую лічбу ўключаны 66 414 пацыентаў, якія працягваюць лячэнне ад COVID-19, 10 950 ачунялых і памерлыя ад інфекцыі. Такім чынам, Італія апярэдзіла па агульнай колькасці заражаных Кітай і цяпер займае другое месца пасля ЗША (у Штатах - амаль 93 тысячы хворых).

Паводле звестак італьянскага Міністэрства аховы здароўя, у бальніцах цяпер знаходзяцца амаль 30 тысяч пацыентаў: 26 029 - у звычайных аддзяленнях, 3732 - у рэанімацыйных. 36,65 тысяч чалавек лечацца дома.

Успышка каронавіруснай інфекцыі COVID-19 пачалася ў снежні 2019 года ў кітайскай Ухані. 11 сакавіка Сусветная арганізацыя аховы здароўя абвясціла распаўсюджванне каронавіруса пандэміяй. Паводле звестак амерыканскага Універсітэта Джонса Хопкінса да 26 сакавіка, агульная колькасць інфікаваных у свеце перавысіла 566 тысяч, памерла больш за 25 тысяч чалавек.

Нягледзячы на тое, што з 11 сакавіка ў Італіі дзейнічаюць строгія карантынныя меры, краіна займае першае месца ў свеце па тэмпах распаўсюджвання каронавіруса, першае месца па колькасці памерлых і другое месца па колькасці заражаных.