Вядомы лекар расказаў, якія лекі павінны быць у аптэчцы на выпадак каранавірусу

Але найлепшы сродак – самаізаляцыя і карантын.

Вядомы ўкраінскі лекар Яўген Камароўскі расказаў, якія лекі павінны быць у аптэчцы, каб дапамагчы сабе пры захворванні на каранавірус, паведамляе obozrevatel.com.

Ён запісаў відэаінструкцыю самавыратавання пры COVID-19, у якой адзначыў, што ў свеце няма лекаў ад яго, але дапамагчы аблегчыць сімптомы могуць даўно вядомыя лекі.

У першую чаргу ён падкрэсліў, што пры першых сімптомах ВРВІ нельга спыняць ужываць лекі ад хранічных захворванняў, а некаторым трэба павялічыць дозу.

Акрамя таго, трэба мець у аптэчцы лекі, якія не выкарыстоўваюцца ў паўсядзённым жыцці.

Гарачкапаніжальныя сродкі

1. Парацэтамол. Максімальная колькасць 1,5 г = 1500 мг на дзень для дарослага чалавека.

2. Ібупрафен. 1,2 г = 1200 мг за суткі – доза для дарослага чалавека.

Калі гарачкапаніжальныя сродкі не дзейнічаюць, неабходна звярнуцца да лекара, а таксама піць больш вадкасці.

Сродак для пераральнай рэгідратацыі

Лекар даў рэцэпт сродку для пераральнай рэгідратацыі. Як высветлілася, яго можна прыгатаваць самастойна і пры дастатковым ужыванні кропельніцы не спатрэбяцца.

Рэцэпт сродку для пераральнай рэгідратацыі

звычайная павараная соль – 3 г

звычайны цукар (цукроза) – 18 г

вада – 1 л

Боль у горле

Пры болю ў горле можна выкарыстоўваць сімптаматычныя сродкі для палягчэння (яны не лечаць, але будзе лягчэй). Можна выкарыстоўваць большасць спрэяў, ледзяшоў і таблетак для палягчэння сімптомаў.

Сухі кашаль

Камароўскі адзначае, што з лекамі ад сухога кашлю трэба быць больш асцярожнымі. Лепш за ўсё шмат піць вадкасці, тады ніякія адхарквальныя сродкі не патрэбныя.

Каб паменшыць рызыку захварэць на каранавірус з ускладненнямі, Камароўскі раіць дыхаць чыстым свежым паветрам, піць шмат вадкасці, глядзець добрае кіно і прамываць нос солевымі вадкасцямі пры абцяжараным дыханні.

Калі вы не можаце дыхаць носам, вам спатрэбяцца судзіназвужальныя прэпараты.

Камароўскі раіць у такім выпадку выкарыстоўваць оксіметазалін. Яго можна выкарыстоўваць раз на 15 гадзінаў і не больш за 5 дзён запар.