9 красавiка 2020, Чацвер, 7:32
Заставайся дома!
Рубрыкі

Рой дронаў над Данбасам

6
Рой дронаў над Данбасам
Фото: АрміяInform

Ва Украіне выпрабавалі баражавальны боепрыпас «Ціхі гром».

4 сакавіка адбыўся чарговы этап выпрабаванняў баражавальнага боепрыпасу "Ціхі гром", падчас якога адпрацавалі другі запуск з дапамогай мультыкоптара. У ходзе гэтага этапу выпрабаванняў адбыўся пад’ём у паветра, адлучэнне на вызначанай вышыні боепрыпасу ад мультыкоптара, пачатак палёту па зададзеным маршруце, аўтасуправаджэнне цэлі, імітацыя пікіравання на цэль, вяртанне на стартавую пляцоўку і пасадка з дапамогай парашута, піша сайт dsnews.ua.

Як паведамляе сайт "дэпо", "Гром" (экспартная назва Silent Thunder) – гэта новы ўкраінскі ўдарны беспілотны авіяцыйны комплекс, прызначаны для паразы цэлі метадам самазнішчэння. Ён таксама можа быць класіфікаваны як "самалёт-снарад", "баражавальны боепрыпас" (loitering munition), або "робат-камікадзэ". Распрацоўкай "Грома" займаецца НВП "Атлон Авія", што распрацавала і з 2014 г. пастаўляе для Узброеных сілаў Украіны выведвальныя беспілотнікі "Фурыя".

Тактыка-тэхнічнае заданне на стварэнне баражавальных боепрыпасаў з'явілася ў сувязі з неабходнасцю мець на ўзбраенні УСУ сродак давыведкі і паразы цела на вялікай глыбіні ў закрытых пазіцыях з мінімальная шкодай для мірнага насельніцтва і навакольных аб'ектаў цывільнай інфраструктуры.

Боепрыпас знаходзіцца ў дзвюх галоўных фазах палёту: гарызантальныя палёты пры набліжэнні да раёна цэлі і пікіраванне пасля навядзення на цэль. Параза цэлі адбываецца амаль вертыкальна зверху. Для павышэння кіравальнасці ў фазе пікіравання апарат выкананы паводле схемы біплана з двума наборамі X-падобных плоскасцяў, якія ўстаноўленыя на фюзеляжы.

Комплекс распрацоўваецца з мінімальнай прывязкай да сістэмы навігацыі GPS / GLONASS, якія могуць глушыцца ў зоне баявых дзеянняў сродкамі радыёэлектроннай барацьбы. Ён укладваецца ў тры тактычныя заплечнікі вагой да 15 кг, што дае магчымасці разліку перамяшчацца на неабходныя пазіцыі. Пры гэтым час разгортвання комплексу складае не больш за 15–20 хвілінаў.

Палёт "Грома" адбываецца ў бязгучным рэжыме, што абцяжарвае выяўленне яго з боку ворага. Ён мае ўнікальны спосаб запуску з дапамогай дапаможнага мультыкоптара, які пасля ўзняцця баражавальнага боепрыпасу на вышыні і адлучэння прадаўжае палёт і выконвае ролю рэтранслятара сігналу.