Вярхоўная Рада Украіны разблакавала падпісанне закона аб рынку зямлі

Яго прыняцце з'яўляецца адным з патрабаванняў Міжнароднага валютнага фонду.

Урад Украіны праваліў галасаванне за ўсе 13 пастаноў аб скасаванні галасавання за рынак сельскагаспадарчай зямлі, паведамляе hromadske.ua.

Праз наяўнасць пастаноў, у якіх некаторыя дэпутаты прасілі скасаваць вынікі галасавання за закон аб рынку зямлі, падпісаць гэты закон не мог ні спікер Рады, ні прэзідэнт. Таму гэты закон не мог набыць моц.

Разам з тым, прыняцце гэтага закона з'яўляецца адным з патрабаванняў Міжнароднага валютнага фонду для прадаўжэння супрацоўніцтва з Украінай.

У ноч на 31 сакавіка Вярхоўная Рада прыняла ў другім чытанні і цалкам закон аб рынку сельскагаспадарчай зямлі. За гэтую пастанову прагаласавалі 259 дэпутатаў. Рада разглядала законапраект аб рынку зямлі з 6 лютага 2020 года. Да другога чытання дэпутаты падалі 4018 паправак.

Згодна з законам, рынак сельскагаспадарчай зямлі ва Украіне павінен запусціцца паэтапна. Спачатку, з 1 ліпеня 2021, зямельныя паі дазволяць прадаваць і набываць толькі грамадзянам Украіны (фізічным асобам). Агульная плошча зямлі, якой дазволена будзе валодаць, складзе да 100 гектараў.

Кампаніі і юрыдычныя асобы змогуць набываць зямлю з 1 студзеня 2024 года.

Паводле сацыялагічных апытанняў «Цэнтра Разумкова», толькі 21,4% украінцаў падтрымліваюць увядзенне рынку сельскагаспадарчага прызначэння.