Дзмітрый Мялешка: Я гуляў разам з Лукашэнкам

Хакеіст каманды Лукашэнкі, у якога пацвердзіўся каранавірус, гуляў з дыктатарам 11 красавіка.

Экс-нападнік зборнай Беларусі Дзмітрый Мялешка ў інтэрв'ю «Радыё Свабода» распавёў пра тое, як заразіўся каранавірусам.

«Самаадчуванне нармальнае, стабільнае.

Да гэтага стаўлюся спакойна. Але падняўся такі ажыятаж. Тэлефануюць журналісты, нe пытаюць пра маё здароўе, не жадаюць пажадаць мне добрага самаадчування, а іх цікавіць нейкая інфармацыя, каб нешта напісаць. Гэта проста нават не па-чалавечы. Ім проста хацелася нейкай «гарачай» навіны.

Ці гуляў разам з Аляксандрам Лукашэнкам? Быў матч і ўсё, больш кантактаў у нас не было. У суботу (11 красавіка - заўв.) я гуляў. Не ведаю, калі я захварэў», - сказаў Мялешка.