Апомніцеся, людзі: як у Беларусі выглядае грамадскі транспарт падчас пандэміі
41- 3.04.2020, 11:01
- 69,364
Беларусам нічога не страшна.
Беларускія ўлады не ўводзілі карантын - людзям даводзіцца хадзіць на працу і вучобу ў звычайным рэжыме. І хоць у сталіцы можна спланаваць паездку на даволі частых і прасторных транспартных сродках, то ў рэгіёнах і інтэрвалы радзейшыя, і амаль няма альтэрнатывы цесным маршруткам, паведамляе «Радыё Свабода».
Паводле слоў Лукашэнкі, Беларусь не вытрымае, калі эканоміка спыніцца на прыклад суседніх краін. Таму ён «турбуецца», каб «людзі жылі сваім жыццём».
2 красавіка фотакарэспандэнты паназіралі за грамадскім транспартам у гадзіну пік у Менску і ў чатырох абласных цэнтрах. Вось што яны ўбачылі.
Віцебск
Кандуктарка ў тралейбусе сказала, што цяпер ездзіць траціна пасажыраў. А з гэтага тыдня, з ейных слоў, яны скарачаюць колькасць рэйсаў.
Гомель
Нават у гадзіну пік у цэнтры Гомеля людзей на прыпынках стала значна менш. Салоны транспарту напалову пустыя. Пачалі з'яўляцца людзі ў масках, але пакуль гэта адзінкі. Са слоў таксістаў, апошнім часам у іх стала значна менш кліентаў - практычна цэлымі днямі сядзяць без працы. Яны тлумачаць гэта тым, што ў людзей стала менш грошай.
Гародня
Людзей у гадзіну пік у транспарце стала менш. У масках мала людзей, у пальчатках зусім не відаць.
Магілёў
Аўтобусы ў гадзіну пік практычна пустыя. Людзі ідуць пешшу дадому, калі гэта магчыма. Разам з гэтым, цэнтральная пешаходная вуліца практычна пустая.
Менск
У Менску ўсё больш людзей у грамадскім транспарце надзявае маскі.