Золатавалютныя рэзервы знізіліся за сакавік на $1 мільярд

ЗВР упалі на 11,6% за адзін месяц.

За сакавік 2020 года золатавалютныя рэзервы знізіліся на 1 018,4 млн даляраў ЗША (на 11,6%) пасля зніжэння ў лютым на 438,2 млн даляраў ЗША (на 4,7%), паведамляе прэс-служба Нацбанка.

Міжнародныя рэзервовыя актывы Беларусі на 1 красавіка склалі 7 786,5 млрд даляраў ЗША (у эквіваленце).

Зніжэнне ўзроўню міжнародных рэзервовых актываў за сакавік у асноўным абумоўлена продажам Нацыянальным банкам замежнай валюты на таргах ААТ «Беларуская валютна-фондавая біржа», а таксама планавай выплатай Урадам і Нацыянальным банкам Рэспублікі Беларусь замежных і ўнутраных завінавачанасцяў у замежнай валюце на агульную суму 226,5 млн даляраў ЗША.

Падтрыманню ўзроўню золатавалютных рэзерваў у сакавіку спрыяла паступленне замежнай валюты ў бюджэт, а таксама паступленне сродкаў ад продажу аблігацый Міністэрства фінансаў, намінаваных у замежнай валюце.