СМІ даведаліся аб шпіталізацыі экс-кіраўніка Чувашыі, які падаў у суд на Пуціна
5- 27.05.2020, 12:06
- 16,289
У былога расейскага чыноўніка - двухбаковая пнеўманія.
Міхаіл Ігнацьеў, звольнены з пасады кіраўніка Чувашыі ў сувязі са стратай даверу і падачай на кіраўніка РФ Уладзіміра Пуціна ў суд, трапіў у лякарню з двухбаковай пнеўманіяй, паведамляе "Коммерсант".
Са звестак выдання, былы губернатар знаходзіцца ў цяжкім стане з высокім адсоткам паразы лёгкіх і дыхае з дапамогай апарата экстракарпаральнай мембраннай аксігенацыі (ЭКМА).
Аб шпіталізацыі Ігнацьева паведаміў і Telegram-канал Mash. Паводле ягоных звестак, экс-губернатар знаходзіцца ў Нацыянальным медыцынскім даследчым цэнтры імя В.А. Алмазова з пачатку траўня і цяпер падлучаны да апарата штучнага кровазвароту.