Украіна атрымае рату на €500 мільёнаў ад Еўразвязу

Пра гэта заявіў украінскі прэзідэнт Зяленскі.

Украіна атрымае другую рату макрафінансавай падтрымкі ад Еўрапейскага Звязу сумай 500 млн еўраў для падтрымкі эканомікі. Пра гэта паведаміў прэзідэнт Украіны Уладзімір Зяленскі, паведамляе hromadske.ua.

«Удзячны ЕЗ і прэзідэнту Еўракамісіі Уршулі фон дэр Ляен за пастанову выдзеліць Украіне 2-ю рату 4-й праграмы макрафінансавай дапамогі сумай € 500 млн, пра што мы гаварылі на мінулым тыдні», - напісаў ён.

Кіраўнік украінскай дзяржавы ўдакладніў, што «падтрымка ад еўрапейскіх сяброў» патрэбная «для захавання стабільнасці ўкраінскай эканомікі падчас COVID-19».

Калі менавіта будзе рата, ён не ўдакладніў, у той жа час, у студзені 2020 года тады яшчэ прэм'ер-міністр Аляксей Ганчарук заяўляў, што гэтыя сродкі Украіна атрымае ў першым квартале гэтага года.

Раней у Мінфіне спадзяваліся атрымаць рату ЕЗ да канца 2019 года, аднак гэтага не адбылося.

У чэрвені 2019 года Еўракамісія пацвердзіла Украіне, што плануе выдаць гэту рату пасля таго, як урад выканае неабходныя рэформы.

Раней у Мінфіне прагназавалі, што сродкі павінны паступіць у сакавіку 2019 года, аднак гэтага не адбылося.

11 снежня ЕЗ афіцыйна пералічыў першую рату крэдыту ў рамках чацвёртай праграмы макрафінансавай дапамогі Украіне сумай 500 млн еўраў.