Відэафакт: У Францыі загарэлася атамная падлодка
- 12.06.2020, 21:30
- 20,768
Лодка прышвартавалася на найбуйнейшай вайскова-марской базе Францыі.
У пятніцу на французскай атамнай падводнай лодцы, прышвартаванай у міжземнаморскім порце Тулон, успыхнуў пажар. Пра гэта паведамляе «Еўрапейская праўда» са спасылкай на Le Figaro.
У выніку пажару, які ўзнік а 10:30 раніцы на судне Perle, ніхто не пацярпеў. На борце не было ні ядзерных матэрыялаў, ні зброі. Карабель знаходзiўся ў доку на рамонце.
🇫🇷 France : 🔥 Un incendie s'est déclaré ce matin à bord du sous-marin nucléaire d'attaque Perle (SNA) sur la base navale de Toulon. Actuellement en entretien, il n'est équipé ni d'arme ni de combustible nucléaire. Aucun blessé n'est à déplorer pic.twitter.com/7xLMGRvd6G
— Alexandre L_B (@alex_le_bars) June 12, 2020
На запэўненні мясцовай прэфектуры, дым ад пажару не быў радыеактыўным. На месцы здарэння знаходзіліся дзясяткі пажарных, ім дапамагалі спецыялізаваныя групы і пажарнае судна з Марсэлю. Агонь удалося ўзяць пад кантроль.
Пра маштаб пашкоджанняў у выніку пажару пакуль не паведамляецца.
Тулон – найбуйнейшая вайскова-марская база Францыі, дзе знаходзіцца большая частка французскага флоту, уключаючы авіяносец Шарль дэ Голь, атамныя падводныя лодкі і іншыя вайсковыя караблі.